Хаттың құрылымына қатысты сұрақтарға дұрыс жауап береді.
2. Хаттың тілдік ерекшеліктері мен құрылымын сақтап, хатта Қазақстанның табиғаты туралы азады.
1-тапсырма. Сұрақтарға жауап бер.
Хаттың 1-жолында қандай сөз (сөз тіркесі) жазылады?
1-абзацта қандай сөйлемдер жазылады? Мысал келтір.
2-абзацта қандай ақпараттар жазылады? Мысал келтір.
3-абзацта қандай сөйлемдер жазыылады? Мысал келтір.
Хаттың соңында қандай фраза жазылады? Тағы қандай ақпарат соңғы жолға жазылады?
2-тапсырма. Сен шетелдік досыңа хат жаз. Хатыңда «Көкшетау – Қазақстанның Швейцариясы» деген тезисті қолдан және Көкшетаудың табиғатын сипаттап жаз. Досыңды Көкшетауға шақыр. Хат құрылымын сақта.
Тірек сөздер:
Сәлем хат / Сәлеметсің бе / қалай / қандай / жаңалық / демалыста / Қазақстанның табиғаты / көрікті жерлер көп / Қазақстанның Швейцариясы / Бурабай көлі / мөлдір / қарағайлы орман / Оқжетпес / Жұмбақтас / аңыздар / кел / күтемін / сәлеммен
Дескриптор:
1. Хаттың құрылымы сақталған.
2. Көкшетаудың табиғаты туралы ақпараттар бар: Бурабай/суы/орман/Оқжетпес/ /Жұмбақтас/ аңыздар
3. Көркем жазумен қатесіз жазды.
Үй тапсырмасы: Қазақстанның көрікті жерлерінің бірін таңда. Сол жерге саяхатқа бару туралы хабарлама жаз. Жұмысыңды мұғалімге WhatsApp желісі немесе e-mail арқылы жібер.
Қазақстан жеріндегі тұңғыш теміржол магистралі 1894 жылдың 25 қазанында Покров слободасы (бүгінде РФ Саратов облысындағы Энгельс қ.) - Орал тар табанды темір жол телімінің құрылысы аяқталғаннан кейін ашылды. Осы жолдың 130 шақырымы қазіргі Қазақстан жері арқылы өткен. Арада 4 жыл өткеннен кейін Урбах-Астрахан тар табанды темір жол іске қосылды. Мұның да 77 шақырымы қазақ даласын басып өтті.
Солтүстік Қазақстанның дамуы үшін 1891-1896 жылдары салынған Транссібір магистралінің, дәлірек айтқанда, оның «қазақстандық» 190 шақырымының маңызы зор еді. Бұл жол қазақ пен орыс халықтарының экономикалық және мәдени жақындасуына үлкен үлесін қосты.
1901-1906 жылдары Қазақстан жерінің 1660 шақырымдық аумағын алған, Орта Азия мен Ресейдің орталығын қосатын, Орынбор-Ташкент темір жолы салынды.
1914-1917 жылдары болашақ Түрксібтің бір бөлігі Жетісу жолының Арыс-Пішпек телімі салынды.
1915 жылы Челябинскі-Троицкі-Қостанай (Қазақстан арқылы 166 км.) магистралі салынды.
1915-1917 жылдары соғылған Алтай темір жолының (Новосибирск-Семей) 122 шақырымы Қазақстан жері арқылы өтті. Бұдан басқа 1918 жылға дейін 117 шақырымдық Екібастұз-Ермак тар табанды темір жолы жұмыс істеп тұрды. 1918 жылға қарай Қазақстан аумағындағы шойын жолдың жалпы ұзындығы 2,6 мың шақырымға жетті.
Кеңес заманының алғашқы темір жолы 1920-1922 жылдары салынған Петропавл-Көкшетау телімі болды. Қазақстанның түкпірдегі аймақтарын дамыту және астықты шығару қажеттілігіне байланысты 1926-1931 жылдары Бурабай-Курорты және Ақмола стансалары арқылы Қарағандыға дейін жалпы ұзындығы 700 шақырымнан асатын жол салынды. 1924 жылы Құлынды-Павлодар теміржол желісі құрылды. Ембідегі мұнай кәсіпшілігінің дамуына 1926 жылдан басталған Гурьев-Доссор тар табанды жолы ықпал етті.
1927-1930 жылдар аралығында салынған ұзындығы 1444 км Түркістан-Сібір (Түрксіб) магистралінің аяқталуы заманалық оқиға болды. Ол Қазақстанды Сібірмен байланыстырып, республиканың экономикалық дамуына және шөлді жерлердің игерілуіне әсер етті.
Орталық Қазақстан өңірінің өндірісі үшін 30-шы жылдары салынған Ақмола-Қарағанды, Қарағанды-Балқаш (490 км), ал оңтүстік үшін Шымкент-Ленгір жол телімдері зор маңызға ие болған. Алтай тау кен өндірісінің дамуында 1930 жылы салынған Локоть-Защита (235 км), сосын Лениногорскіден Зыряновскіге дейін созылған жол шешуші рөл атқарды.