Төменде берілген мәтінді оқыңыз. Кәсіп – бақыттың шырағы, Еңбек – ырыстың бұлағы
«Жер – өмірдің бесігі, Еңбек – ердің несібі»,-дейді қазақ халқы. Өз еңбегімен
танылған азаматтар мен кәсіпорындар да көп. Солардың бірі – Қызылорда облысында
күріш өндірумен айналысатын – «Абзал және К» ТС-і (Толық серіктестігі). Ауыл
шаруашылығы өнімін шығару арқылы да үлкен жетістікке жетуге болатынын дәлелдеп
отырған бұл өндірісті жас кәсіпкер Мағжан Ералиев басқарып отыр.
«Абзал және К» ТС-і 2017 жылдың қорытындысымен «Алтын сапа» сыйлығының
иегері атанып, Елбасы Н.Ә.Назарбаевтың қолынан үздік сапа белгісін алса, 2019 жылы
желтоқсанда Президентіміз Қасым-Жомарт Тоқаев салтанатты шарада компания басшысы
Мағжан Ералиевке «Парыз» сыйлығының «Үздік әлеуметтік жауапты кәсіпорын»
номинациясының Алтын жүлдесін табыс етті.
Компания Нағи Ілиясов ауылындағы арнайы жерлерінде күріш егеді де, алынған
өнімді өз зауытында өңдейді. Компания жылына таза ақталған 25 мың тонна күріш
өндіреді. Оның 50 пайыздан астамы Россия, Украина, Тәжікстан, Өзбекстан, Монғолия
т.б. елдерге экспортқа шығарылады. Компания қазіргі таңда күріш өндірушілердің үздік
үштігінің қатарына қосылды.
Жыл сайынғы өткізілетін «Туған жерге тағзым» жобасының төңірегінде компания
туған жері- Н.Илиясов ауылының дамуына үздіксіз үлес қосып келеді. Мұнан өзге
бизнестің әлеуметтік жауапкершілігі аясында компания 54 жаңа еңбек орнын ашып,
жалпы 400-ден астам адамды еңбекпен қамтып отыр. Сондай-ақ, Қызылорда қаласында
жаңа күріш зауытын, «Мүсірәлі» мешіті мен медресесін, Сырдария ауданына қарасты
Нағи Ілиясов ауылында стадион, ауылдық округ әкімдігі ғимаратын салып, ауылдағы
мұражайға күрделі жөндеу жүмыстарын жүргізді. Ауылды толықтай көгалдандырды.
Ауылдағы тұрмысы төмен, сондай-ақ көпбалалы отбасылардың үйлеріне қайта жөндеу
жүргізіп берді. Компанияның қолдауы нәтижесінде бұл ауыл республика көлеміндегі озық
ауылдар қатарына қосылып отыр.
«Жақсы болар жігіттің, жұмыссыз жүрген күні жоқ»,- дейді халық даналығы. Жас
болса да бас болып компанияны басқарып отырған Мағжан Ералиев:«Біздің мекеме –
Қазақстандағы тұқыммен айналысатын алдыңғы қатарлы компания. Сондықтан
Германиялық PETKUS фирмасы өзінің 150 жылдық тарихымен және әлемде алғаш рет
егістік тұқымын механикалық тазарту құрылғыларын жеткізетін және тұқымды дайындау,
қайта өңдеу мен өнімді сақтауды ұйымдастыратын фирма ретінде бізді қызықтырады. Біз
бұл фирмамен серіктестікке дайынбыз. Құрылғыларды сатып алып қана қоймай,
Қазақстандық мамандарды оқыту үшін біз сол елден кәсіби шеберлерді шақыртпақпыз.
Жаңа технологиялармен еңбек ету, өндіріс машиналарын құрылымдау сияқты маңызды
салаларға да қызметкерлерді дайындау алдағы мақсатымыз», -дейді. Кәсібінен бақыт
тапқан, ырысымен бөлісіп отырған бұл кәсіпорынға халық та риза.
(343 сөз)
Мәтіннен мына сөздердің сәйкес мағыналарын табыңыз.
Ғұмыр –
Ісімен –
Қамтамасыз етіп отыр-
Түгел –
Еңбексіз –
"Киім дүкенінде" диалог:
– Сәлеметсіз бе?
– Сәлеметсіз,не қаралыңыз?
– Мына қызыма мектепке киетін жеңіл жиде іздеп едім.
– Мына жиделер қарап көріңіздер.Қызыңыздың өлшеміне сай келетін жиделер бар.
– Қаншадан бұлар?
– 4000 теңгеден болады.
– Ақ түсінен беріңізші,киіп көрсін.
– Әрине.Қызым,міне ала ғой.Анау жерде киім ауыстыратын жер бар,сонда барып киіп көр.
– Жарайды.
– Қалай,ұнады ма?Әдемі,бастысы жарасып тұр.
– Маған да ұнады.Алайықшы.
– Жарайды,қызым.Онда орап,бере қойыңыз.Ақшасы міне.
– Саудаңыз үшін рахмет.Келіп тұрыңыздар!
Ұлттық киімдер туралы диалог:
– Әжетай,сіз боссыз ба?Маған ұлттық киімдер туралы үй жұмысына көмектесіп жіберіңізші.
– Айта ғой,құлыным.
– Бір киер киім деп қандай киімдерді атаған?
– Бір киер киім деп қымбат маталардан әшекейлеп тігілген, той-думандарға, жиындарға барғанда, жат елге сапарға шыққанда киетін сәндпі киімдерді атаған.
– Ал ұлттық киімдеріміз қандай материалдардан тігілген?
– Киімдер мәуітіден, жүн және жібек матадан, киізден, аң терісінен тігілген.
– Ал қазақ әйелдерінің ұлттық киімдерін атап бере аласыз ба?
– Әрине.Қазақ әйелдерінің ұлттық киімі, негізінен, көйлек, кимешек, жаулық, сәукеле, желек, тақия, камзол, кәзекей, кебіс-мәсі, көкірекшеден тұрады.
– Көп-көп рахмет,әже!
– Оқасы жоқ,балапан.