Мәтінге мазмұнына сәйкес келетін тақырыпты тап. Осыдан 2500 жылдай бұрын, темір дәуірінде өмір сүрген ата-бабаларымыздың бабалары – сақ тайпаларының өмір-тіршілігін көз алдымызға елестетіп, азаттық, бірлік жолындағы жанқиярлық ерлік-шежірелерін паш ететін Алтын адам бейнесі бүгінде Қазақ Елінің тәуелсіздік символына айналып отыр.
Жеті кереметтің бірі әрі бірегейі Алтын адам ескерткіші 1970 жылдары-ақ Жетісу өңіріндегі Есік өзенінің бойындағы археологиялық қазба жұмыстары кезінде табылған-ды. Дәлірек айтсақ, ол темір дәуірінен-ақ сақталған сақ обасынан табылған алтын киімді сақ жауынгерінің мүрдесі-мыс. Бүкіл әлемді таңқалдырған тарихи жәдігерді 1969-1970 жылдары археолог К.А.Ақышев тапқан.
Алтын адам киімі 4 мыңға жуық алтын әшекейлермен безендірілген. Әшекейлер барыс, бұлан, таутеке, арқар, ат, әр түрлі құс бейнелерін беретін «хайуанат нақышында» жасалған. Бас сүйектің сол жағынан жаһұт тастармен әшекейленген алтын сырға табылды. Бас киімі кейінгі қазақ киімі үлгілеріне ұқсас: биік, шошақ төбелі, ұзындығы 70 см шамасында. Мойнында дөңгелек жүзік сияқты алтын алқа, іш көйлегі, көкірегінің тұсы, жеңі алтын тоғалармен өрнектелген, саусағында сап-сары екі алтын жүзік, камзолы құрастырылмалы ауыр белбеумен буылған. Белбеуге аңға ұқсас бейнелер, 16-ға жуық тоға жапсырылған, оң жағында қып-қызыл қынапты ұзын семсер, сол жағында алтын пластиналар жапсырылған қынға салынған темір қанжар-ақинақ, шалбар балағы да алтын тоғалармен әшекейленген.
Қорған қазбалары V ғасырда мекен еткен ежелгі тайпалардың мәдениеті, өнері, діні жайлы құнды-құнды деректер берді. Киім үлгісі, жерлеу рәсіміне қарап-ақ, Алтын адамның Жетісу жерін мекендеген сақтардың көрнекті елбасының ұлы немесе жас көсемі не әскербасы екенін ап-анық байқауға болады. Осының өзі- ақ сол кездегі сақтарда мемлекеттік өркениеттің ертеден қалыптасқанын дәлелдейді.
Қазіргі уақытта қанатты барысқа мінген Алтын адам Алматы қаласындағы Республика алаңының төрінде тұр! Сонау алыстан-ақ айбарлана жарқырап көрінетін жап-жас бекзаданың тіп-тік тұлғасы кез келген адамды бейжай қалдырмайды.
Сақ тайпалары
Қорған қазбалары
Алтын адам
АЛТЫН АДАМ
АОТЫН АДАМ
Объяснение:
1000000000000000000000%