Мәтінді оқып шығыңыз . Мәтіндегі детальді ақпаратты анықтап , мазмұндауда қолданыңыз Ақпараттарды шынайы өмірмен байланыстырып , көтерілген басты мәселені анықтаңыз . Өз көзқарасыңызды жан - жақты тұжырымдап , мысалдар арқылы дамытып , дәлелдеңіз . 1 - мәтін Қасиетті қазақ халқының салт - дәстүрлері өте көп . Соның ішінде қазіргі жастар біле бермейтіндеріне қысқаша тоқталсақ . Ат тергеу . Ол – адамды сыйлауға арналған ізеттілік әдет ғұрып . Ұлттық болмыс бойынша әйелдер атасына , қайнағасына , қайнысына , қайын сіңілісіне атын атамау үшін қосымша ат қояды . Мұны ат тергеу деп атайды . Мұндайда қойылатын аттардың кейбірі мынандай : « Мырза қайнаға » , « бай атам » , « би аға » , « тентегім » , « еркежан » , « шебер шешей » , « ақ әже » , « сырғалым » , « шашбаулым » . Жеңгелері қайныларына әзілдеп , бойлары тапал болса « сұңғақтым » , жайбасар болса « жүйрігім » деп те ат қояды . Ер адамдар да өзінен үлкендерді Мәке , Сәке деп құрметтейді . Анттасу . Жаудан кек қайтару үшін , адамдар бір - біріне деген адалдықтан айнымау үшін , еларалық тату келісімді сақтау үшін ант айтатын салт - дәстүр бар . Халық антын бұзған адамды « Ант атқан » деп жек көріп , « Уа , айтылған ант , серттескен уәде , алысқан қол қайда ? » » - деп , кінəласады .2 - мәтін Байғазы беру . Үлкеннің кішіге , яғни балаға беретін сыйы . Жас ұл - қыз , бойжеткен , бозбала жаңа киім кигенде , жаңа зат алғанда аға , апа , ата - әжесінен , туған - туыстарынан оған байғазы сұрайды . Олар байғазыға ақша , мал , мүлік , әйтеуір бір зат беріп , құтты болсын айтады . Базарлық әкелу . Алыс сапарға шыққан , қыдырып қайтқан , сауда жасап келген адамдар туған - туысқандарына , көрші - көлемдеріне , дос жарандарына ірілі - ұсақты сыйлықтар әкеліп береді . Мұны базарлық деп атайды . Ол - жақсы көргеннің , сыйлағанның белгісі . Бастаңғы жасау . Үйдегі үлкендер жолаушылап кеткенінде қалған жастар өздері бас қосып ( келіндер , абысындар , күйеулер , балдыздар болып ) , немесе замандастарын шақырып ойын суық өткізеді , әңгіме - дүкен құрады , әртүрлі дәмді тағамдар жасап ішеді . Бұл әдет - ғұрыпты бастаңғы жасау деп атайды . Көрісу . Қазақ салты бойынша сағынысып кездескен адамдар бір - бірімен құшақтасып амандасады , кісі қайтыс болғанында құшақтасып жыласады , қыз ұзатылғанда да қимастықпен қоштасып , жылайды . Мұны көрісу деп атайды . 2. Екінші мәтінді оқы . Оның мәтіні бойынша маңызды деп санайтын 2 сұрақ қойыңыз . Оның мәтінінің басты идеясын анықтауға белсенді қатысып , пікіріңізді білдіріңіз .
Болашақтағы мектебіңнің қандай болатындығын армандаған қандай қызық. Мен өзімнің қазіргі мектебімді ұнамайды деп те айта алмаймын. Менің ойымша, он жыл өткеннен кейін тіпті жүз жылдан кейін мектептегі білім беру түбегейлі өзгеретіндігі сөзсіз. Болашағымыз қандай болатындығын армандау да қиын. Алайда, мен өзімнің болашақтағы мектебімнің қандай болатындығын сәл ғана армандағым келеді.
Келешектегі мектепте оқушылар сынып бөлмелерінде кітаптағы дайын мәліметтерді қарап көп отырмайды. Мысалы, биология пәнін даладағы әсем табиғат аясында оқитын болады. Әрбір өсімдіктердің немесе жануарлардың түрлерін тек тірі күйінде көре алады. Шетел тілдері пәндерін әрбір елдерге барып оқиды. Оқушылар ағылшын тілі мұғалімімен бірге жарты жылға Англияға барып, сол жердегі жергілікті тұрғындармен әңгімелесе жүріп тілді жылдам үйренетін болады. География пәнін де осылай оқыса керемет болар еді! Астрономия пәнінде арнайы салынған ғарыш кемелерінде жүріп, жұлдыздар әлеміне саяхатқа барса, шіркін!
Менің арманымдағы болашақтағы мектепте оқушыларға бесінші сыныптан бастап тереңдетілген бағыттар бойынша білім берілетін болады. Егер сен тіл, әдебиет пәніне жақын болсаң, гуманитарлық бағытта, математика мен физиканы жақсы көретін болсаң, математикалық бағытта оқисың. Бұл оқушылардың болашақта мамандықтарын дұрыс таңдауларына көп септігін тигізеді.
Болашақтағы мектепте бағалау мүлдем болмайды. Өйткені мектеп оқушылары тек қана материалдарды меңгеріп қана қоймай, ғылыми және шығармашылық жұмыстарды қоса орындайтын болады. Содан кейін арнайы конференцияларда жобаларын қорғап, нәтижеге қол жеткізіп отырады.
Менің арманымдағы мектеп барлық оқушыларға ұнайды. Мұндай мектепте оқу өте қызық. Ешкімді мектепте оқуға тиістісің деп қинамайды. Ешқандай оқушы сабақты босатқысы келмейді. Мен арманымдағы болашақ мектептің шынында да керемет болатынына сенімдімін.
Баймырзаұлы Балуан Шолақ (1864-1916) – қазақтың халық композиторы, ат ойынының түрлі тәсілін меңгерген өнерпазы, күш өнерін көрсеткен спортшысы, жауырыны жерге тимеген балуаны. Оның есімін де халық осы соңғы өнеріне сүйсінгендіктен еркелетіп, жас күнінде саусағын үсітіп алуына байланысты «Балуан Шолақ» деп атаған, әйтпесе өзінің азан шақырылып қойылған шын аты – Нұрмағанбет. Шыққан тегі – Ұлы жүздің Дулат тайпасының Сәмбет руынан. Бірақ аталары ерте кезде Арқаға қоныс аударғандықтан, оның бар өмірі Көкшетау өңірінде, атығай, қарауыл руларының арасында өскен.
Қажы Мұқан Мұңайтпасұлы — Қазақ халқының тарихындағы тұңғыш кәсіпқой балуан. Тұтас ғұмырын күрес өнеріне арнап, ұланғайыр жері мен өршіл халқын бірінші болып өзге жұртқа паш еткен, өзінен бұрынғы қандастары баспаған топырақты басып, көрмеген елді көріп, өзге қазақ тақпаған алтын, күміс медальдарды мойнына тұңғыш ілген Қажы Мұқан бабамыз.
Орасан күштің иесі, күрестің бірнеше түрінен әлем чемпионы атанған тұңғыш қазақ алыбы! Теңдессіз өнерімен жер шарын аралаған, 54 мемлекетте күреске түсіп, 48 медаль олжалаған Қажымұқандай мықты XX ғасырдың басында түркі халықтарының ішінде қазақта ғана болды. Ресейдің балуандар тобында Қажымұқаннан күші асқан ешкім болмағанын да айтуға тиіспіз. Дүние жүзінің чемпиондары Иван Поддубный, Иван Шемякин, Алекс Аберг, Иван Заикин, Георг Лурих, Георг Гаккеншмидт, Поль Понс, Вейланд Шульц сынды жампоздармен қатар жүру, боз кілемдегі айқастарда осы балуандарды шетінен жығып, бәйге алу — сол заманда нағыз ерлік еді. Ол кезде империяның буына семірген Ресей күресінің қожайындары қазақты шын мәнінде менсінбеуші еді. Қажымұқан сондай ортада намысын жатқа берген жоқ. Кеудесін ешкімге бастырмады. Күрес қожайындарының, төрешілердің сан мәрте әділетсіздігіне белі бүгілмеді, еңсесі түспеді.