Бокстағы аңыз адам» тақырыбында берілген мәтіннен мәліметтерді жинақтап, постер немесе сызба-кесте жасаңыз. (Соберите информацию из текста по теме «Легенда о боксере» и сделайте плакат или схему.) Геннадий Головкин 1982 жылы 8 сәуірде Қарағандыда дүниеге келді. Ол қарапайым отбасында дүниеге келді. Әкесі - Геннадий Иванович кенші болған. Анасы - Елизавета Сергеевна химиялық зертханада лаборант болып жұмыс істеген. Геннадий 2005 жылы кәсіби боксқа кетті. Геннадий Головкин танымалдыққа бірден келген жоқ. Ол кәсіби бокста 40 рет жұдырық түйістіріп, оның 38-інде жеңіске жеткен, 34 жекпе-жекте қарсыласын нокаутқа түсірді. Өзі ешқашан нокаутқа түсіп көрмеді. Ол үнемі жаттығу жасайды. Оның алғашқы жаттығуы таңғы жетіден басталады. Головкин арнайы диета сақтамайды. Бірақ қант, май қолданбайды және газды сусын мүлдем ішпейді. Спортшының өзі ет пен балықты жақсы көретінін айтады. Күніне 4 рет тамақтанады. 2017 жылы 16 қыркүйекте Головкин мексикалық Сауль Альвареспен рингке шығып, 12 раунд өткізді. Кездесу тең есеппен аяқталды. 2018 жылы ақпанда Головкин "Бокстағы аңыз адам" сыйлығының иегері атанды.
Қазақ халқының қонақ күтуі мен қонақжайлығы туралы.
Баяғы заманнан бері осы күнге дейін жеткен дәстүріміздің бірі мен бірегейі – келген қонаққа дастарқан жаю. Бұл дәстүр тек қонақжай қазақ халқына ғана тән дүние десем, артық айтпаспын, себебі үйге қандай кісі келмесін «ең болмаса нан ауыз тиіп кету керек» деген ұғым санамызда бала кезімізден қалыптасқан. Қазағым қашан да бар асылын, бар тәттісін «қонақ жесін» деп сақтаған. Қазақ халқы үшін дастарқаннан үлкен, дәмнен үлкен нәрсе жоқ. Ақсақалдар да үнемі «Дастарқан тек қуанышты себептермен жайылсын! Дастарқан мол болсын! Осындай үлкен дастарқан басында жинала берейік!» деп бата беріп, тілектерін айтып жатады.
Дастарқан жайғанда міндетті түрде ең алдымен нан қойылады. «Ас атасы – нан» деген мақал осыдан шықса керек. Ұннан жасалынған тағамдар бағзыдан-ақ ақ дастарханымыздың сәні болып келген. Қазақ өзінің шаңырағындағы кез келген жиында дастархан үстінен нанды алыстатпайды.
Сыйлы қонақ келсе, бұрынғы кезде мал сойылып, ет асылса, қазіргі заманда мал сойылмаса да, қазанды отқа қойып, қонақтың кәдесін асып береді. Күн демей, түн демей қазан асуға келгенде қарап қалмайтын қазақ аналары мен келіндері ет тамақты нақышын келтіріп дайындайды. Бүгіндері қырық күн тойын, отыз күн ойын жасамасақ та, кез келген жиында осы ас бірінші мәзірде тұрады.
Жалпы алғанда, қазақтың дастарханы – киелі нәрсе. Бұл тек жайылған шүберек немесе оған қойған ас-ауқат қана емес, бұл – адамның пейілі, ішкі жан-дүниесі, мейірім-шапағаты. Ендеше дастарқанымыз тек қуанышқа жайылсын!