3-тапсырма. Мәтінді оқып шығып, сөйлемдердің қай шақта тұрғанын анықтаңдар.
Шоқанды Көкше өзінің сұлулығымен әрдайым таңғалдырушы
еді. Бұл жолы да Көкше кербез, сол маңғаз қалпында қарсы алды.
Оның тіп-тік найза шыңдары, биік құздары бұрынғысынша көкке
қол созады. Олардың арасында Оқжетпес ерекше
көзге түседі.
Көкшетаудың маңында көл де көп.
Шоқан Алатау, Сарыарқа саяхатынан іштей
байып, жаңарып, түлеп қайтты. Ел тіршілігімен,
қазақ сахарасының өзі бұрын білмеген көлеңке
жақтарымен танысты. Аңдамай келген сан ғажайып
дүниелерді аңдады.
Бүгін, міне, осының бәрін ойша шолып, қоры-
тындылап отыр.
Н.Березин
АҚарамен берілген сөздерді жазып, морфологиялық талдау жасаңдар.
Мәдениеттің түп төркіні бойымыздағы мінезде жатыр. Адамның мәдениет деңгейін кез келген ортада аңғаруға болады. Мәдениеттің ең биігінде тұру үшін, өзіңді рухани жағынан тәрбиелеу керек. Яғни, бұл - өзін-өзі тану. Адамды мінезі арқылы тануға болады. Себебі мінезі адамның ең жақын досы. Мінезді бірқалыпта ұстау қажет. "Мінез жанның айнасы" демекші, адамның мінезі, оның қандай екенін көрсетіп тұрады.
Мінез-құлықтың бастапқы көрінісі – қылық. Яғни адамды қылығына қарап мінезін анықтауға болады. Әр адамның мінезі әртүрлі болатынын барлығымыз жақсы білеміз. Себебі бес саусақ бірдей емес. Дегенмен де жаман мінезден барлығымыз аулақ болуымыз керек. Мінез біздің досымыз болғандықтан оны әрдайым түзеп отыру қажет.
Жастық пен махаббат, сұлулық пен нәзіктік, шынайылық пен іңкәрлік, сүйіспеншілік пен адамгершілік, сенім мен сезім тақырыптарынан сыр қозғап, адамдық пен адалдықты сөз етер, сертке берік екі жастың арасындағы ғашықтық жырларын шертер «Қозы Көрпеш – Баян сұлу» қойылымы – өнер мен өмір, тәрбие-тағылым мектебі екені хақ...
Қозы Көрпеш – Баян Сұлу–Ғ.Мүсіреповтің халық жыры негізінде жазған 4 перделі, 7 суретті трагедиясы. Шығарма 1939 ж. сәуір айында жазылып біткен. Оның сюжеті ертеден мәлім жақсылық пен жамандықтың, махаббат пен қызғаныштың арасында туатын тартыс желісіне құрылған. Бір жылы дүниеге келген құрдас Қозы мен Баян бірін бірі жастайынан-ақ сүйіп табысады. Бірақ балғын жастардың махаббатына қызғаныш уын ішкен Қодардың жауыздығынан әрі Қарабайдың сараңдығынан екі жас мерт болады. Осындай қайғылы оқиғамен аяқталатын трагедия алғаш рет Қазақ мемлекеттік академиялық драма театрында режиссер М.Г. Насоновтың сахналауымен 1940 жылы 29 сәуірдекөрермен назарына ұсынылды. Бұл спектакльге О.Т. Жұмағұлов (Қозы Көрпеш), Ж. Жалмұхамедова (Баян), М.Б. Шамова мен Р.Р. Қойшыбаева (Мақпал), С. Қожамқұлов (Қарабай), Е. Өмірзақов пен Ә. Хәсенов (Қодар) т.б актерлер қатысып ойнады.