2. Тіркесті жалқы есімдердің әр түріне мысалдар жазып, емле ереже-
сін түсіндіріңдер.
Орхон-Енисей ескерткіштері тілінде қазіргі қазақ тіліне
тұлғалық әрі мағыналық жағынан ұқсас сөздер саны — 130,
ал қазіргі қазақ тілімен салыстырғанда, кейбір фонетикалық
ерекшелігі бар сөздер саны – 397, тұлғалық та, мағыналық та
жағынан ұқсастық таппайтын сөздер саны – 311.
(Әбжан Құрышжанов, Мархабат Томанов)​

Әрқайсымыз үшін бұл өмірде ата – анамыздан жақын әрі ыстық адам табылмас. Ата – анамыз біздерге осы өмірге келуімізге себепші болып, жарық дүние сыйлады. «Анадан асыл бар ма жан?» демекші, аналарымыз түн ұйқысын төрт бөліп, мәпелеп, тәрбие беріп,осы күнге жеткізді.Осы орайда ойыма «Анаңды үш рет Меккеге арқалап апарсаң да, ақ сүтін ақтай алмайсың» деген мақал түседі.

Сонымен қатар, ардақты әкелеріміздің де орны бөлек. «Әке көрген оқ жонар» демекші, бала тәрбиесінде, отбасында әкенің қамқор, тірек, асыраушы ретінде алатын орны ерекше.  

Менің ойымша баланың ата – ана алдындағы ең бірінші парызы – бұл кісілерді сыйлап, олар үйреткен тәлім - тәрбиені есте ұстап, ешқашанды жерге қаратпау. Ата – ананы сыйлау кішкене күннен қалыптасып, есейе келе ата – ана мен бала арасындағы достық қарым – қатынасқа ұласады. Өз басым ата – ананы сыйлау дегенді былай түсінемін: үлкендердің айтқанын екі еткізбей орындау, үлкен кісі сөйлеген кезде сөзін бөлмеу, қарсы жауап қайтармау. Ата – ананы сыйлау – бұл біздің перзенттік парызымыз.

Ендеше әкелеріміз бен аналарымыз – өмірдің мәні де сәні екенін есте ұстап,ата-ана өміріміздің шамшырағы, отбасының негізгі дінгегі,  дәнекері екенін ұмытпайық!

Менің анамның есімі Тілектес. Менің анам өте мейірімді, ақылды, сыпайы, жақсы адам. Мен анамды өте - өте жақсы көремін. Менің анам әрдайым сабақ орындауыма көмектеседі, білмегенімді айтады. «Ана» деген дүниедегі ең асыл адам емес пе? Мен анамнан көп нәрсені үйренемін. «Шешеге қарап қыз өсер»,- деп бекер айтпаған атам қазақ. Біз анамызды сыйлап қадірлеуіміз қажет. Анамыз бізді мәпелеп өсіреді, аялайды. Мектепке кетсек уайымдап, сағына күтіп отырады. Тезірек келсе екен деп, бауырына басқысы келеді. Бар дәмдісін алдымызға тосады. Біз қуансақ, анамыз да қуанады. Ал, мұңайсақ жұбатады. Біз бір қатерге ұрынсақ шашы біртіндеп ағара бастайды. Сол үшін біз анамызды тыңдап, айтқанын екі етпей жүруіміз керек. Мен де анамды өте жақсы көремін. Анам мені еркелетіп, шашымнан иіскеп отырады. Анамыз бізді қатарынан кем болмауға қолынан келгенін бәрін жасайды. Біз анамыздың үмітін ақтап, өте жақсы оқып үздікдер қатарынан көрінуіміз қажет. Онда да біз анамыздың қарызынан құтыла алмаймыз. «Анаңды Меккеге үш мәрте арқалап алып барсаң да қарызынан құтыла алмайсың» деген сөз бар. Мен өскенде міндетті түрде Меккеге апаруға тырысамын. Мен қазірден сабағымды жақсы оқып жүрмін. Ал, кейіннен ана парызын өтеуге тырысамын. Ол үшін ең бірінші сабақты жақсы оқу керек деп ойлаймын және де ол дұрыс шешім. Менің анам бұл дүниедегі ең асыл Ана.