1. Ысқақбай әнші Ысқақбай - көкірегіне көп өмір сырын түйген жырау. Жылдың қай мезгілінде көңілі соқса болғаны, торшолақ атын жектіріп, жетекші баласын басшылыққа алып, ел аралайды. Кейде түу сонау Ертіс бойына, Кереку қаласына, орыс поселкелеріне барып ән салады. Керекуде айлап жатады. Жатақтар бірінен соң бірі шақырып әнін тыңдап рахаттанады. Ысқақбай -Омбыға да талай барып жүрген жырау. Пароход, поезға да бұл отырғандардың бәрінен бұрын мінген. Орыс тілін тым жетік білмегенімен, ән-күй өнерін аз-мұз үйреніп, ауылға өзімен бірге ала келіп, айтып та жүретін. Сол Ысқақбай енді Көкшағыр тілегін орындамақ болады да, әдетінше «ха!» деп күліп алып: - Үй болғансын бір пароходсыз болмайды екен, - депті ғой, Ертіс жағасындағы Қаржау-Күшіктің бір байы. Ал мен бүкіл Жанғозы бабам ұрпағына бір пароход сыйлайын, таласып қалмаңдар! – деп Секең бастау сөзінің өзімен-ақ жұртты бір күлдіріп тастады. Содан кейін «Пароход» деген әнін салды. (120 сөз) 1. Мәтіннен есімдіктерді тауып, мағыналық түрлеріне ажырату

2. Жалқы есімдерді теріп жаз.

3. Біріккен сөздерді теріп жазып, біріккен сөздің анықтамасын бер

Əйгілі ақындраматург, сөз зергері Ілияс Жансүгіров бұрынғы Қапал уезі, Ақсу болысында (қазіргі Алматы облысы, Ақсу ауданы) туған. Ілияс жас күнінен бастап ән мен күйге, өлең-жырға құмар болып өседі. Жас Ілияс ұлы Абайдың поэзиясымен танысқаннан кейін өзінде бір ерекше сергектік, сілкініс, жаңалық сезінеді. Өз үйінде әкесінен хат танып,молда алдын көрген Ілияс жүйелі түрде білім алмақ болып Алматыға келеді, мұғалімдер институты жанындағы қысқа мерзімді курста оқиды. Жас азамат Қазақ ағарту институтында, Жетісу облыстық "Қосшы" комитетінде, губерниялық оқу бөлімінде, "Тілші" газетінің редакциясында қызмет етеді, ауыз өдебиеті үлгілерін жинайды. Газет - журналдарда алғашқы өлеңдері басылып шыға бастайды. 1928 жылы "Сағанақ" деген тұңғыш кітабы шығады. Ілияс Жансүгіров 1925-1928 жылдары Москвадағы Коммунистік журналистика институтына түсіп, орыс, Европа классиктерінің шығармаларын тереңдеп оқиды. Бұл тәжірибе ақын талантының жарқырай ашылуына әсер етеді. Елге оралған соң "Еңбекші қазақ" газетінде істеп, 1934-1935 жылдарда Қазақстан Жазушылар Одағының төрағасы болады. 1935-1937 жылдары көркем әдебиет ба поэзия бөлімін басқарады. КСРО жазушыларының I съезіне қатысады. Қазақ поэзиясының ерен жүйрігі, "қазақ поэзиясының Құлагері" 1938 жылы жазықсыз жазаға ұшырайды. Ол 1927-1938 жылдары өндірте жазып, поэзия, проза, драматургия, сын, аударма саласында жиырмадан астам кітап шығарып, артына мол өдеби мұра қалдырды. Ақынның эпикалық шығармаларындағы бейнелеу тілінің байлығы, сонылығы, стиль өрнегі, құйылған сөз тасқыны, адуынды күші Ілияс Жансүгіров ті қазақ халқының сүйікті қаламгерлерінің бірегейі етті

Алтау ала болса,
Ауыздағы кетеді;
Төртеу түгел болса,
Төбедегі келеді.

Тозған қазды
Топтанған қарға алады.

Ынтымақ түбі –игілік,
Тірлік, тірлік түбі – бірлік.

Ағайын тату болса – ат көп,
Абысын тату болса – ас көп.

Теңге – тиыннан,
Ынтымақ – ұйымнан.

Ынтымақ түбі — игілік.

Екі құзғын таласса,
Бір қарғаға жем болар.

Көнектен шошынған бие оңбас,
Көптен бөлінген үй оңбас.

Бір жеңнен қол шығар,
Бір жағадан бас шығар.

Қырық кісі — бір жақ,
Қыңыр кісі — бір жақ.

Көптеген жау алады,
Көмектескен дау алады.

Күшенген жеңбейді,
Күші көп жеңеді.

Ынтымақ — бұзылмайтын қорған,
Қосылып еккен ағаш — орман.

Біреуің бас, біреуің аяқ бол,
Біреуің құйрық, біреуің қанат бол.

Аздың азаншысы болғанша,
Көптің қазаншысы бол.

Күш — бірлікте.

Саусақ бірікпей —
Ине ілікпейді.

Ауыл болса — қауым бол.

Аз да бітер, көп те бітер,
Татулыққа не жетер?

Біршілік болмай — тіршілік болмайды.

Ұйымдасқан ұтады.