1-тапсырма. «Сатып алайық» ойыны. Төрт-төрттен топ құрыңдар. Әр топта бір сатушы, қалғандары сатып алушы болсын. Сатып алушылар текшені кезекпен лақтырады. Шаршы тақтада көрсетілген сурет бойынша заттарды атап, бағасын сұрап, сатып алуы керек. Бір минуттың ішінде көп әрі дұрыс айтқан топ жеңіске жетеді.​

Өткен жұмада деген досым екеуміз хайуанаттар бағына саяхатқа барғанбыз. Ол жерде ине шаншыр орын жоқ екен. Досым екеуміз бір шетінен бастап аңдарды қарай бастадық. Алдымен бірінші торда қолдарына білезік таққан қос маймыл отыр екен. Жанымыздағы адамдардың айтуынша Африкадан әкелінсе керек. Әрі қарай жүре берегенімізде сусар мен тасбақаларды көрдік. Бұл тасбақалар әлдеқайда үлкендеу екен. Бүркіт, сұңқар, бірқазандарда темір тордың ішінен орын алыпты. Сөйтіп келе жатқан екеуміз бір қызыққа ұшырастық. Әдетте ерсілі-қарсылы ұшып жүретін қарлығашты бір жігіт бұлбұлдай сайраттырып отыр. Қазақ киелі санаған құстың жез таңдайлығына қайран қалдым. Иелерінің айтуынша алдағы уақытта піл мен көкқұтан әкелінбекші екен. Міне, біздің саяхатымыз осылай аяқталды.

Берілген сөздердің мағыналары:

Адал адам: ешкімнің ала жібін аттамайтын, алдамайтын, жүрегі таза, пейілі ақ адам;

Адал жүрек: алдамайтын, пәк, таза жүрек;

Адал кәсіп: ешкімді алдамайтын адал еңбек;

Адал дос: қуаныш пен қайғыны да бірдей бөлісіп, әрдайым жаныңнан табылатын дос.

Қалың киім: жылы киім;

Қалың жұрт: көп адам, халайық, халық;

Қалың бет: ұятсыз;

Қалың қамыс: бітік өскен қамыс;

Қоңыр сиыр: қоңыр түсті сиыр;

Қоңыр жіп: қоңыр түсті жіп;

Қоңыр дауыс: әдемі, құлаққа жағымды естілетін дауыс;

Қоңыр салқын: самал;

Қоңыр күз: мизам шуақ, күздің соңы;

Қоңыр қаз: қоңыр түсті қаз;

Қоңыр жел: салқын самал жел;

Қоңыр аю: қоңыр түсті аю;

Сары май: нанға жағып жейтін май;

Сары уайым: қатты уайым;

Сары уыз: жұмыртқаның сарысы;

Сары ауыз: жас немесе балапан;

Сары су: ашыған сүттің іріткісі немесе қанды ірің/жалқаяқ.